منتدى egysat
نرحب بك عزيزى الزائر كن عضوا فاعلا معنا

افضل مقال لشهر يناير وش القفص دعاء سليط

اذهب الى الأسفل

مثبت افضل مقال لشهر يناير وش القفص دعاء سليط

مُساهمة من طرف Dr Admin في الجمعة 31 يناير - 17:41


أقولكم سر ، أنا لست من رواد السوق علي الإطلاق ، نعمة أنعم الله بها عليًّ ، من قديم الأذل نسمع هذا التعبير ، ينزل رواد السوق لشراء الخضروات في ساعة مبكرة – كان زمان طبعا – تسأل لماذا الذهاب المبكر ، وتأتيك الإجابة (نازل ألحق وش القفص) ، عرفوا سر الشراء ، فالتاجر يضع أفضل بضاعته في الصفوف الأولي (والشاطر يلحق) ، بينما الاقل جودة فالأقل تجدة كلما تعمقت الي قاع القفص.
علي مدار 3 سنوات ، نتعامل مع الموجودين علي الساحة السياسية ومن أطلقنا عليهم النخبة ، أنهم وش القفص ، الكل يُظهر أفضل ما عندة ويعرض بضاعتة المميزة ، ممثلين عن حزب أو إتلاف أو تيار أو حتي فكرة ، هم البارزين وسط محيطهم ، لك أن تتخيل ، من رأيناهم  علي الساحة ، هما دول وش القفص ، المتعلمين الي فيهم يعني ،حقاً انها المصيبة الكبري !
نحن تعرضنا لأكبر عملية نصب ياسادة ، التاجر ، سرق وش القفص ، أيوه حصل ، نقي المحصول  وقسمة ، وركز مع بضاعتنا وأخدها لنفسة ، تسألني أخدهم لفين ، أقولك .. ربما ورا مصنع نوبل للجوايز  ، الصفوة راحوا ومبقيناش فارقين معاهم ، ولا يهمهم نقل الخبرات ، أو البلد تنهض ، يمكن كمان طمعانين في القفص (بقمارة جامعة النيل)..يا محاسن الصدف!
القفص : كلمة السر التي تعالت الأصوات بها يوم محاكمة المعزول – صحيح هو ايه الأصح معزول ولا مخلوع –  ، جمعيات حقوق الإنسان ، والحريات ، والهيومن رايتس ، السادة النشطاء مرورا من صلاح سالم ،الكل كان يتحدث عن حوض السمك ، بينما أنا سرحت في موال مختلف تماما ، هما دول إزاي ، دول وش قفص الجماعة ، نتاج 80 سنه وأكتر ، ولما حبوا يجيبوا رئيس ، هو ده الوش الي نقوه ، أذكي اخواته؟ ياللهول!


لا تخطئة عين داخل القفص ، هستيريا ملحوظة في الملامح ، صوت خشن متوهم انه مخيف ، رجعت ذاكرتي للخلف ، مشاهد متقطعه من خطاباته اللوزعية ، أحاديثه عن صوابع زينب ، وحارات مزنوقة ، حدث ولا حرج ، اينعم ، هو بعينه ،  علامات الإختلال ، لم يختلف في نظري وهو في الإتحادية ، أو التحرير ، أو خلف القضبان ، يتحرك في القفص الخاص به من أول ما بدأ رحلته مع تليفون الثريا وقت اقتحام السجون ، عروسة مارونت ، يعملوله القفص علي مقاسة ويحركوة فيه براحتهم ، الأمر والطاعة ..مهزلة!
وش القفص من القوي المدنية ، خانهم التفكير وتعاونوا مع وشوش أقفاص التيارات الإسلامية لنصرة الثورة ، إنتم قريتوا تاريخ ولا مقريتوش ؟ غريبة فعلا ..تعرف إن في يوم البنا نفسة حاول يعمل الملك فاروق بتاع زمان ده خليفة متعرفش! تعرف إن تاريخ القفص فيه شوية أحداث كده هاكتبها ومش هاعلق عليها ، أصلها وش القفص في تفكيرهم ، يعني دي الخلاصة بتاعت كل السكك والعلم عندهم ، إقراها واستمتع :"إغتيال الخازندار ، إغتيال النقراشي ، محاولة إغتيال ناصر بالمنشية ، الي إغتيال السادات يتبعة إغتيال المحجوب يليه إغتيال فرج فودة" مش مهم تعرف الأسماء ولا دول مين الجملة واضحة "إغتيال" هل تصدق دي أفكار وش القفص..واحسرتاه!
التاريخ ..إنت متخيل القفص ده مالوش تاريخ ، بالعكس تاريخ القفص قديم جدا البداية عند البنا ، عمل للجماعة قفص وعاشوا فيه ، أيوه إنت فاكر القفص الي شفته ده جديد ، دول عايشين فيه من زمن ، بيكلموا بعض ويتكاثروا ، ويفسروا الأحلام ، ويدرسوا في بعض ، المرشد فهمهم إن مفيش قفص تاني فاضي ، وسابهم عايشين في قفص واحد ، الدنيا بتمشي من حواليهم وهما هما مبيتغيروش ، إنتمائهم لنفس الفكر ونفس القفص ، شايفين الحياة من بعيد ، ومفيش جواهم غير القفص...فضيحة!
الغريب محدش إتعلم من اللي فات ، ولا الاحداث الي مرت ، عارفه إن وش القفص بتاعنا مغشوش ، إسمعني من فضلك ، أنا مش عاوزة نكرر المأساة ونعيش في قفص زيهم ، أو معاهم ، العلم مفتاح الحياة ،إوعي تبني لنفسك قفص تعيش فيه ، احذر تبقي الثورة قفصك ، عيش حر ، مش بالكلام ولا الشعارات ، ولا تستني الدولة لحد ما تبقي قادرة تعلمك ، إسعي ، فكر ، إختار ، وقت ما تكمل ملامح إختيارك ، هاتعرف تواجه الفكر بالفكر ، وتغير القانون الي يحقق لك العدالة ، إرمي كل الأقفاص ورا ضهرك ،خطوة لقدام ، فكرة الانتقام عمرها ما هاتبني ، ولا هاتصحح مسار ، ولا هاتمنع ارهاب ، العقول الضعيفة يا عزيزي لا تصلح الا للعيش داخل قفص .
رسالة لكل مصري: متتخمش في وش القفص تاني ، إزرع محصولك ونقيه بنفسك ، ربي عيالك صح ، بدل ما تملا القفص هاتملا الدنيا خير ...وانت يا صاحبي الحياة نعمة ، صونها ، إوعاك ترضي تعيش في قفص .
avatar
Dr Admin
مدير عام المنتدى
مدير عام المنتدى

ذكر عدد المساهمات : 724
نقاط : 23539
تاريخ الميلاد : 13/01/1988
تاريخ التسجيل : 22/11/2012
العمر : 30
الموقع : مصر

http://egysat.forumegypt.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى